Ngusaba Kadasa Pura Ulun Danu Batur Kalaksanayang April 2025

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Ngusaba Kadasa Pura Ulun Danu Batur Kalaksanayang April 2025

beritabali/ist/Ngusaba Kadasa Pura Ulun Danu Batur Kalaksanayang April 2025

Senin, 10 Maret 2025, 17:20 WITA Follow

beritabali/ist/Ngusaba Kadasa Pura Ulun Danu Batur Kalaksanayang April 2025

IKUTI BERITABALI.COM DI GOOGLE NEWS

BERITABALI.COM, BANGLI.

Desa Adat Batur, Kecamatan Kintamani, Kabupaten Bangli ane dadi desa Oangemong Pura Ulun Danu Batur suba ngalaksanayang paruman desa di Jaba Tengah Pura Ulun Danu Batur, Redite (9/3). Paruman agunge ene matatujon netepang eed len raosne dudonan karya Ngusaba Kadasa warsa Saka 1947 (2025).

Manut paigum paruman desa, ane kaenter Jero Penyarikan Makalihan muwah Jero Kraman Kasinoman Desa Adat Batur katetepang eedan upakara, ane pamucuk Ngusaba Kadasa lakar kapingetin di Purnama Kadasane, Saniscara (Sabtu) Wage Julungwangi, 12 April 2025. Buka warsa-warsa ane suba liwat, eedan lakar kakawitin abulan makelonne, uli Tilem Kasanga, 28 Maret 2025 tur masineb di Tilem Kadasa 27 April 2025.

Paruman desa kamiletin ajak makudang-kudang baga adat di Desa Adat batur. Paruman ento luirne kamiletin ajak Jero Kraman Desa Adat Batur, Patinggin (Prebekel) muwah jajaran desa dinas maka tatelu desa dinas di Batur, Kelian tempek Desa Adat Batur, muwah prajuru pura se-Batur.

“Eedan upakara lakar kakawitin ajak upakara Netegang di Tilem Kasanga, 28 Maret 2025. Upakara Netegang ento kabarengin mase ajak upakara Nanceb Rombok, Nanceb Sunari, Mapangalang, Ngingsah, Netegang, Nyuci, Nunas Tirta ajak Beras Catur, tur Ngeker Dewasa pinaka pangawit uli kakawitinne pikamkam Ngusaba Kadasa,” baos Jero Penyarikan Duuran Batur ane suba kabaang ajak Jero gede Duhuran Batur, Soma (10/3).

Mapaiketan ajak kalaksanayangne Ngusaba, prawarta karya mungkah tongos ane jimbar pesan ajak kramane ane lakar nangkil keto mase ngayah. yening lakar ngayah dadi matur malu di Pura Ulun Danu Batur uli telepon (0366) 51477.