Rahina Saraswati, Nenten Kadadosang Ngawacen Miwah Nyurat Selami 24 Jam?

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Rahina Saraswati, Nenten Kadadosang Ngawacen Miwah Nyurat Selami 24 Jam?

Minggu, 9 Februari 2025, 12:10 WITA Follow

beritabali/ist/Rahina Saraswati, Nenten Kadadosang Ngawacen Miwah Nyurat Selami 24 Jam?

IKUTI BERITABALI.COM DI GOOGLE NEWS

BERITABALI.COM, DENPASAR.

Rahina Saraswati utawi kabaos naler Piodalan Sang Hyang Aji Saraswati sane nepek ring rahina Saniscara Umanis Wuku Watugunung sering pisan mapaiketan ring kawentenan ageman ngawacen miwah nyurat selami arahina (24 jam). Ageman punika mapaiketan ring pamargin Brata Saraswati.

Kadiasapunika sane munggah ring artikel ilmiah mamurda “Motivasi Belajar dan Beasiswa Dewi Saraswati di tengah Perayaan Hari Saraswati” sane kasurat olih Ketut Sumadi saking Fakultas Dharma Duta IHDN Denpasar tur kapublikasiang ring Jurnal Guna Widya, Volume 3, No 1, warsa 2011.

Ketut Sumadi nyuratang sadurung piodalan Saraswati kalaksanayang sadurunge ngalintang tengah rahina, nenten kadadosang ngawacen miwah nyurat japa mantra naler kasusastraan.

Majeng ring sang sane ngalaksanayang Brata Saraswati jangkep malarapan antuk ngamargiang tapa brata, yoga, samadhi,. nenten kadadosang ngawacen miwah nyurat selami 24 jam.

Rikala malajahin saluir daging kaweruhan mangda state kadasarin antuk hredaya sane henik naler unteng kahyun bhakti majeng ring Sang Hyang saraswati rumasuk ngupapira perpustakaan sane kaduwenang.

Ring rahina Saraswati makasami buku, lontar utawi pustaka suci siosan kaaturin banten utawi bakti saraswati, raris kalanturang antuk puja pangrastiti majeng ring Dewi Saraswati, prabhawan Ida sane ngaripta miwah ngupapira sastra mautama.

Piodalan miwah makasami sane mapaiketan ring brata saraswati (parindikan mautama) kalaksanayang rikala semeng utawi rikala Sang Hyang Surya kantun ring purwa, utawi mangda nenten kantos lintang tengah rahina. yening lintang ring tengah rahina, sane kaaturin puja pangastuti wantah aksara kemanten boya kawisesan Sang Hyang Aji Saraswati.

Pangurati Budaya Bali Made Nurbawa maosang manut ring pikayunan (logika) ring rahina Saraswati kaweruhan sane anyar wawu katedunang olih Sang Pangripta. Dadosne sadurunge wenten sane mersidayang malajahin miwah tedunne kaweruhan punika mapalet-paletan manut ring pamargin galah miwah genah.

“Rikala Saraswati kaweruhan wawu katedunang olih Sang Pangripta, dadosne sadurung wenten sane sida malajahin. Kasuksman buku miwah lontar patut kasungkemin pinaka witning kaweruhan, boya wantah fisik kemanten. Ngawacen lontar patut kapikayunin pinaka ngawacen kaweruhan” baos aji sane maduwe oka adiri punika.

Berita Premium

•

Sejarah Kelam G30S 1965 di Bali (14): Semua Laki-Laki Dibunuh, Merta Sari Jadi Desa Janda

•

Sejarah Kelam G30S 1965 di Bali (3): Pembantaian di Pujungan November 1965-Januari 1966

•

Sejarah Kelam G30S 1965 di Bali (6): Massa PKI Bunuh I Parlemen di Alun-Alun Klungkung

•

Sejarah Kelam G30S 1965 di Bali (20-Selesai): Perlu Rekonsiliasi Antar Semua Kekuatan Nasional

•

Legal atau Ilegal? Kadis Pariwisata Bedah Bisnis Vila di Bali

Editor: Putu Ayu Candra Dewi

Reporter: bbn/tim

Berlangganan Beritabali.com di Channel Whatsapp

Dapatkan update berita pilihan dan breaking news setiap hari dari Beritabali.com. Mari bergabung di Channel Whatsapp Beritabali.com, caranya klik link disini, kemudian join. Anda harus install aplikasi Whatsapp terlebih dulu di ponsel. Selamat bergabung!